Abangoardiako erakustazoka

Ficobak 70.000 m2-tik gorako azalera dauka. Bertan, Astigarraga & Lasarte arkitektoek diseinatutako eremua eraiki da, eta honako osagai hauek dauzka: zerbitzu nagusien gunea, hiru erakusketa-pabilioi (5.000 m2), azoka eta erakusketetarako egokitutako kanpoko gunea (7.500 m2), 1.000 toki dituen aparkalekua (toki horietatik, 340 lurrazpikoak dira), sarbideak eta errepideak. Ekipamendu horien inguruan, erabilera anitzeko eremua egituratzen da, eta negozioak gauzatzea eta enpresen zein bezeroen arteko komunikazioa sustatzea du helburu nagusia. Erakustazokaren sinboloa hogeita bost metroko dorrea da, eta bertan jartzen dira Ficoban garatuko diren ekitaldien berri emateko publizitate-panelak.

Erakusketariei eta biltzarrak, hitzaldiak edo bilerak antolatu nahi dituzten enpresei edo erakundeei zerbitzu hobea eskaintzeko asmoz, Erakustazokak zenbait eremu jartzen ditu euren esku. Horrela, bada, prentsa-aretoa, erakusketariek erabiltzeko 6 bulego pribatu eta “VIP aretoa” daude eraikin nagusian. Horrez gain, 100, 45 eta 25 lagunentzako erabilera anitzeko hiru bilera-areto ere badaude. Era berean, 392 lagunentzako auditorioa ere badago, eta megafonia eta aldi bereko itzulpenetarako hiru kabina ditu. Erabilera anitzeko aretoa denez, zerbitzu osagarria eskaintzen die erakusketei, eta kultur ikuskizunak, hitzaldiak eta era guztietako ekitaldiak egin ahal dira bertan.

Besteak beste, balio erantsiko zerbitzu asko eskaintzen ditu Ficobak; esate baterako, erakusketarientzako mintegiak, bisitarien ezaugarriei buruzko eguneko estatistikak,

Erakustazokaren luzapen birtuala... Erakustazokako zerbitzuen osagarri, erakusketariek eta bisitariek eskura dituzte kafetegia eta jatetxe panoramiko bat; 500 lagunentzako lekua dute, eta Iñigo Lavado txefak zuzentzen ditu. Iñigok, dagoeneko, hainbat sari jaso ditu; besteak beste, 2005eko urtarrilean jaso berri du, Madrid Fusion Kongresuan, Restaurante Revelación saria. Irunen jaio zen 1975ean, eta eskarmentu handia dauka lanbidean; izan ere, ospe handiko jatetxeetan jardun izan du. Donostiako Akelarre jatetxean lan egin izan du, Pedro Subijana txefarekin; El Bullin, Ferrán Adriárekin, eta Alain Ducasse frantziarrarekin ere bai. 2001etik Ficobara etorri den arte, Martin Berasategi Taldeko kidea izan da, hainbat ardura bere esku izan dituela. Azkenekoa: Donostiako NH Aranzazu Hoteleko Kukuarri jatetxeko sukaldeburua eta sukaldaritzako arduraduna. Javier Machimbarrena eta Santos Bregaña interioristek apaindu dute Ficobaren barrualdea. Era berean, Erakustazokako ikurrak diseinatu dituzte. Bi diseinugileek antzeko lanak egin dituzte Guggenheim Museoarentzat, Eusko Jaurlaritzarentzat edo Martin Berasategi taldearentzat.