Historia pixka bat

1998. urtean, Irunek, Hondarribiak eta Hendaiak Bidasoa-Txingudi Mugaz gaindiko Partzuergoa eratzeko hitzarmena sinatu zuten. Hitzarmen horri esker, hiru udalerriok aitzindariak izan ziren Europa mailan, udalerri mugakideen artean ekonomia eta merkataritza arloko trukerako esparrua ezartzeko orduan. Bost urteren ondoren, Irunek berak lankidetzarako izpiritu hori gauzatu zuen Ficoba sortzean.

Irungo Udalak (%99,08) eta Bidasoa-Txingudi Mugaz gaindiko Partzuergoak (%0,92) osatutako Bidasoako Erakustazoka SAk sustatutako proiektua da Ficoba.

2000ko otsailean, Erakustazokako eraikin nagusia egiten hasi ziren Santiagoko aduana-zabalgune zaharreko lurretan. Proiektu osoan, 21 milioi euro inbertitu dira guztira. Horietatik, 11 milioi euro inbertitu dira lan zibiletan; 3 milioi euro, urbanizazioan; eta gainerakoak, ekipamenduetan. Batez ere, Irungo Udalak egin du inbertsio hori (7,3 milioi euro), Gipuzkoako Foru Aldundiaren (2,4 milioi euro), FEDER Europako Funtsen (1,8 milioi euro), Eusko Jaurlaritzako IZARTU egitasmoaren (milioi bat euro), Bidasoa-Txingudi Mugaz gaindiko Partzuergoaren (0,06 milioi euro) eta epe laburrerako banku-finantzaketaren (2,6 milioi euro) laguntzaz. Gainerakoa balizko kapital-zabalkuntzen edo banku-finantzaketen bidez estaliko da.