|
AZOKA KOMERTZIAL ETA EKITALDIETAKO KOMERTZIAL IZATEKO BI LANPOSTUREN BARNE HORNIDURARAKO DEIALDIA ARAUTZEKO OINARRIAK
I.- DEIALDIAREN XEDEA
Deialdi honen xedea da Azoka Komertzial eta Ekitaldietako Komertzial izateko bi lanposturen barne hornidura egitea ohiko lan-kontratu mugagabe sinatzearen bitartez, eta lan horiek erreserbatzen dira Fundación Ficoba / Ficoba Fundazioko langileentzat.
Deialdia Oinarri hauetan xedatzen denaren arabera arautuko da, baita Euskadiko Fundazioei buruzko, ekainaren 2ko 9/2016 Legearen 64.2 artikuluak xedatzen duenaren arabera ere. Hori gauzatzeko; hautagaien berdintasun, meritu, gaitasuna eta publizitate printzipioak bermatzen dituen hautaketa prozesu bat egingo da.
II. LANPOSTUEN DESKRIBAPENA
A-
Izena:Berezko Azoketako Komertziala.
Titulazioa:Goi mailako titulazioa edukitzea eskatzen da.
Hizkuntza profila:2.a, derrigortasun egunik gabea
Hizkuntzak:Ahozko eta idatzizko maila altua frantsesean.
Mendekotasuna:Fundación Ficoba / Ficoba Fundazioaren Patronatua.
Urteko ordainsari gordina:aplikagarria den Hitzarmen Kolektiboaren II. ordainsari taldeari dagokiona, hamabi hilerokoen eta aparteko bi ordainsariren bidez.
Dedikazio erregimena:Esklusiba eta osoa, prestutasuna behar du lan orduetatik kanpo bileretara joateko eta bidaiatzeko.
Funtzioak:
- Berezko azoketako talde komertzialean integratzea.
- Azoka Zuzendariari zuzeneko laguntza ematea, Fundazioaren Merkataritza eta Azoka jarduerarekin lotutako txostenak, azterketak, planak eta programak proposatuz eta prestatuz.
- Bezeroekiko zuzeneko arreta.
- Bezeroen eta eremuko eta eskumeneko berezko bitartekoen gestioa eta antolamendua.
- Datuen eta bitartekoen tratamendua Azoka Zuzendaritzak adierazitako tresna teknologikoekin.
- Azoka Zuzendaritzak emandako beste funtzio batzuk betetzea, hain zuzen ere kualifikazio profesionalarekin bat datozenak.
Zeregin Nagusia.-
Egungo bezero erakusketariak mantentzeko eta bezero berriak lortzeko ekintza komertzialak proposatzea eta, hala badagokio, gauzatzea ere bai; eta, azoka, kongresu eta Fundaziorako interesgarriak diren ekitaldietarako formula berriak proposatzea eta, hala badagokio, garatzea ere bai.Hori guztia Azoka Zuzendaritzaren ikuskapenaren, instrukzioaren mendean, eta, hala badagokio, baimenaren mendean ere bai.
B-
Izena:Ekitaldietarako Komertziala
Titulazioa:Goi mailako titulazioa edukitzea eskatzen da.
Hizkuntza profila:2.a, derrigortasun egunik gabea
Hizkuntzak:Ahozko eta idatzizko maila altua frantsesean.
Mendekotasuna:Fundación Ficoba / Ficoba Fundazioaren Patronatua.
Urteko ordainsari gordina:aplikagarria den Hitzarmen Kolektiboaren II. ordainsari taldeari dagokiona, hamabi hilerokoen eta aparteko bi ordainsariren bidez.
Dedikazio erregimena:Esklusiba eta osoa, prestutasuna behar du lan orduetatik kanpo bileretara joateko eta bidaiatzeko.
Funtzioak:
- Kanpoko ekitaldietako talde komertzialean integratzea.
- Zuzendaritza Komertzialari zuzeneko laguntza eta aholkularitza, Fundazioaren Merkataritza eta Azoka jarduerarekin lotutako aurrekontuak, txostenak, azterketak, planak eta programak proposatuz eta prestatuz.
- Bezeroekiko zuzeneko arreta.
- Kanpoko ekitaldietarako Talde Komertzialak planteatutako negozio ekintzak proposatzea eta gauzatzea.
- Bezeroen eta eremuko eta eskumeneko berezko bitartekoen gestioa eta antolamendua.
- Datuen eta bitartekoen tratamendua Azoka Zuzendaritzak adierazitako tresna teknologikoekin.
- Zuzendaritza Komertzialak emandako beste funtzio batzuk betetzea, hain zuzen ere kualifikazio profesionalarekin bat datozenak.
Zeregin Nagusia:
Egungo bezero erakusketariak mantentzeko eta bezero berriak lortzeko ekintza komertzialak proposatzea eta, hala badagokio, gauzatzea ere bai, eta kongresu zein Fundaziorako interesgarriak diren ekitaldietarako formula berriak proposatzea eta, hala badagokio, garatzea ere bai.Hori guztia Zuzendaritza Komertzialaren ikuskapenaren, instrukzioaren mendean, eta -hala badagokio- baimenaren mendean ere bai.
III. HAUTAGAIEK BETE BEHARREKO BALDINTZAK ETA MERITUAK
Deialdi honetan parte hartu ahal izango dute ondoko baldintzak betetzen dituzten langile guztiek:
- Fundación Ficoba / Ficoba Fundazioaren jarduera komertzialarekin eta bezeroekiko zuzeneko harremanarekin lotutako postuetan esperientzia edukitzea, Gipuzkoako Bulego eta Despatxuetako Hitzarmeneko II. Taldeko lan-kategoriarekin.
- Eskatzen den Goi mailako Titulua edo Lizentziatura edo Gradua edukitzea Enpresen Administrazio eta Gestioan.
- Eskatzen diren hizkuntzen mailen egiaztagiriak.
Era berean, aipatzen diren merituak baloratu eta kontuan hartuko dira.
- Marketinari, publizitateari eta salmenta zein merkataritza teknikei buruzko ezagutzak edukitzea.
- Lan egiteko gaitasun handia, iniziatiba eta zerbitzuaren kalitatea eta publikoari eskaintzen zaion arreta hobetzeko joera.
- Harremanetarako erraztasuna, bereziki nazioarteko esparruan, eta Administrazio Publikoekin eta sektore publikoarekin.
- Kontratazioari buruzko ezagutzak.
- Fundazioaren lurralde-eragin eremuari buruzko ezagutza ekonomiko-kulturalak.
- Ezagutzak: administrazioari eta sistemen kudeaketari, telekomunikazio sareen azpiegiturei eta segurtasunari buruzkoak.
- Bestelako hizkuntzak.
Eskatutako betekizunak betetzen direla baloratzeko eta alegatutako merituen jabetza egiaztatzeko, erreferentzia-data, deialdi hau argitaratzen den eguna izango da, zeinak eskaerak aurkezteko epea irekitzen baitu.
IV.- ESKAERAK AURKEZTEA
Eskaerak, Fundazioaren Patronatura zuzenduak, Ficoba Fundazioaren bulegoetan aurkeztu ahalko dira (Iparralde hiribidea 43, 20302 Irun) edo posta elektronikoaren bitartez. Eskaera-orria Ficoba Fundazioaren web orrian eskura baitago (ficoba@ficoba.org), 10 egun baliodunen epean, iragarkia Ficoba Fundazioaren web orrian (ficoba@ficoba.org) eta/edo bere iragarki-taulan argitaratzen den hurrengo egunetik kontatuta.
Eskaerek ondoko betekizunak bete beharko dituzte onartuak izan daitezen:
a.- Izangaiek Oinarrietan eskatzen diren baldintza guzti-guztiak betetzen dituztela adierazi behar dute, betiere eskari-orriak aurkezteko epea amaitzen denerako.Erantzukizunpeko adierazpena.
b.- Epaimahai Kalifikatzaileak balorazioa egin dezan, izangaiek beren curriculum vitae-a aurkeztu beharko dute, eta bertan hauek adierazita egongo dira: titulu akademikoak, zein postutan ibili diren, izandako funtzioak eta meritu akademikoei, aipatutako prestakuntza eta merituei buruzko datuak, baita izangaiak aukeratua izateko dituen gaitasuna eta egokitasuna adieraz litzaketen alderdi guztiak ere eskabidearekin batera, betiere horiek guztiak egiaztatzen dituen dokumentazioa (ziurtagiriak, jatorrizkoak edo kopia konpultsatuak) ez badago jasota Fundazioan.
V.- ERABAKIA
Izangaiak onartzeko epea amaitutakoan, Fundación Ficoba / Ficoba Fundazioko hautaketa-organoak aurkeztutako dokumentazioa aztertu eta ebaluatuko du, eta sartzeko betekizunak betetzen dituztenen zerrenda egingo du, eta baita, hala badagokio, betekizun horiek betetzen ez dituztenena ere.Haiekin guztiekin, zerrenda bat argitaratuko da Ficoba Fundazioaren web orrian, horrela prozesuari amaiera emango zaio, kanporatutakoen ondorioetarako.
Hautaketa-prozesuan onartutako pertsonak ebaluatuko ditu Ficobako hautaketa-organoak, estali beharreko postuaren perfilarekin zerikusia duten prestakuntza, esperientzia, ezagutza eta ibilbide profesionalaren alderdietan, eskabidean eta erantsitako dokumentuan izangai bakoitzak alegatu eta egiaztatutakoaren arabera, eta betiere lanpostua betetzeko eskatutako betekizunekin lotuta izangaiek duten egokitasunari dagokionez.
Izangai guztien ebaluazioa, gehienez ere, hilabeteko epean egingo du hautaketa-organoak, eta, xede horrekin, prestigio handiko kanpoko aholkularitza teknikoa ematen duen enpresa baten laguntzara joko ahalko du organoak, eta beharrezkotzat jotzen dituen kasuetan, elkarrizketa pertsonaletarako deitu ahal ditu hautagaiak.
Izendapena egiteko organo eskuduna den aldetik, eskumenez jokatuko du Fundación Ficoba / Ficoba Fundazioko Kudeatzailetzak lanpostuak bete behar dituzten pertsonak izendatzekoan, betiere lehen aipatutako meritu eta gaitasunen balorazioa kontuan hartuta, ebazpen arrazoituaren bidez.
Dagokion Erabakia jakinarazi ondoren, dagokion lan-harremana formalizatuko da ohiko lan-kontratu baten bidez, zeina Langileen Estatutuaren Legearen Testu Bategina onesten duen urriaren 23ko 2/2015 Legegintzako Errege-dekretuan arautua baitago; gehienez ere, hilabeteko epean, erabakia jakinarazten denetik aurrera kontatuta, Fundazioko Kudeatzailetzak ebazpen arrazoituaren bidez hura luzatzea erabakitzen duenean izan ezik.
Lan-kontratuaren bidez egiten den lan-kontratazioak izaera mugagabea izango du.Nolanahi ere, enpresak eskumena izango du lan-kontratazioa baliogabetzeko probaldia ez bada gainditzen, langilearen emaitzen ebaluazioa nahikoa ez bada.
Deialdi honetan parte hartzeak izangaiek baldintza hauek onartzea ekarriko du, eta horretatik ez da sortuko lan-eskubide gehigarririk aurreko paragrafoetan aurreikusten direnez gainera.
Kontratazio organo den aldetik, Kudeatzailetzak deialdi hau bete gabe utzi ahal izango du, hautagai bakar bat ere hornitze-xedeko postua betetzeko egokia ez dela iritziz gero.
Irun, 2017ko urtarrilak 13
|
