 |
| |
 |
e-XPOLOGISTICA 2.005 |
| |
| 29/09/2005 • 01/10/2005 Mugaz gaindiko logistika azokaren bigarren edizioa |
|
 |
| |
Erritmo onean doa e-xpologísticaren bigarren edizioaren komertzializazioa. Azoka profesional eta bi urtez behingo hau irailean dator berriz Ficobara, eta helburua du logistikako profesionalentzako eta erabiltzaileentzako topagune eta erakusleiho bihurtzea, non ekipo- eta zerbitzu-hornitzaileek erakusgai jarriko dituzten sektoreko azken aurrerapenak.
e-xpologística egiteko hiru hilabete eta erdi falta delarik, sektorean azoka pizten ari den interesa baieztatzen dute zenbakiek. Lekuaren %40 dagoeneko kontratatua dago, eta Azokaren lehen edizioan parte hartu zuten erakusketarien %37k baieztatu dute etorriko direla, eta haietako gehienek erakusteko azalera handiagoa eskatu dute.
e-xpologísticaren edizio honetan izango diren erakusketariak eremu askotatik datoz; hona azpisektoreetako batzuk: paketatzea, datu-antzematea, komunikazioa, e-logistika, lokalizazioa, logistika- eta garraio bitartekariak, babesa, garraiolarientzako zerbitzuak, aseguru-erakundeak, garraioa, azpiegiturak, barne-logistikako materiala, industriako ibilgailuak eta prentsa espezializatua.
Erakusketarien tipologiari dagokionez, %36 fabrikatzaileak dira; %32, zerbitzuetakoak; %23, banatzaileak, eta gainerako %9, elkarteak eta argitaltxeak.
Berrikuntza batzuk
Mondragon Unibertsitatea Azokaren Batzorde Antolatzailean sartu da, eta hori da, besteak beste, e-xpologisticaren bigarren edizioak duen berrikuntza. Heziketa-erakunde horrek Master-eskaintza dauka Logistika eta Garraioan, eta hiru eguneko mintegi trinko bat antolatuko du azokan, zuzendaritzetako kideentzako soil-soilik. “Organización y gestión de centros logísticos” izenburua duelarik, ondoko gaiak jorratuko dituzte: hainbat alternatiba pallet bidez kudeatutako biltegirako, biltegia automatizatzeko erabaki estrategikoa eta cross-docking.
Horixe da e-xplogisticako jardunaldi teknikoen programako proposamenetako bat, eta bada nabarmentzen den beste bat ere, hain zuzen, logistikari buruzko jardunaldia, GIZLOGA kontsulta-foroak antolatuta, eta, besteak beste, Gipuzkoako Foru Aldundiak sustatuta; horretan, Gipuzkoako garraio eta logistika munduko 40 erakundek baino gehiagok parte hartuko dute, eta helburua dute sektoreak dituen arazoei irtenbideak eskaintzea. Ekipamenduekin, azpiegiturekin eta merkantziak hirian banatzearekin zerikusia duten hainbat gai jorratuko dira GIZLOGA jardunaldi horretan.
Jardunaldi teknikoen programa osatzeko, oraindik behin-behinekoa bada ere, hainbat hitzaldi antolatu dira, pil-pilean dauden gaiei buruzkoak, hala nola, RFID edo irrati-frekuntzizko identifikazioa; Short Sea Shipping (SSS), edo itsasoko autobideak; e-logistika; biltegiak kudeatzeko aukerak; aseguruen papera garraioan edo oraindik indarrean ez dagoen nazioko eta nazioarteko garraioaren kontratu berria, CMR. Egoitza Genevan duen Errepidezko Garraioetako Nazioarteko Batasuneko Gai Juridikoen Batzordeko Presidenteorde Francisco Sánchez-Gamborinok eskainiko du jardunaldi hori.
2003an egin zen lehen aldiz e-xpologística, eta orduan, leku askotatik etorritako 52 erakusketari bildu ziren, 1 eta 2 pabiloietan: Euskadiko Autonomia Erkidegotik (%44), Nafarroatik (%2), Estatu espainiarreko beste eskualdeetatik (%33), Akitaniatik (%6) eta Estatu frantziarreko beste eskualdeetatik (%15).
|
|
|
|
 |
Harpidetza
ALDIZKARIAN |
 |
|
Zatos Irunera
|
|
FACEBOOK
|
|
Twitter
|
|
|
