|
Expotaku, manga, animazio, bideojoko, cosplay eta japoniar kulturaren munduarekin lotutako ekitaldien bira hau Ficobara helduko da datorren apirilean; helburua entretenitzea eta gai horietan zaletuak direnen arteko elkargunea izatea.
Expotaku 2010ean hasita bira egiten ari den azoka-ekitaldi bat da; urtero egiten da A Coruña, Tarragona, Gijón, Almería eta Zaragozan adibidez, eta, beraz, egina dauka ibilbide bat. Azoka ludiko eta kulturala da, publiko gazte eta gazte-helduari, hau da 13-36 urte artekoari zuzendua, nahiz eta publiko guztiarentzat irekia dagoen.Ekitaldia hainbat elkarte nazionalek bultzatua da, eta Organizadores De Eventos (ODE) izeneko plataformak antolatua.
Zerbait azpimarratzekotan Expotakuren ekintza-programa zabala azpimarratu behar da.Bisitariek proposamen ugariz gozatzeko aukera izango dute bi egun osoz: karaokea, cosplay-a (mozorroak), cover dance, triviala eta audiotriviala.Gaming (bideojokoak) eremu handi bat ere aurkituko dute, 20 postu osorekin, zazpigarren eta zortzigarren belaunaldiko kontsolekin, eta Nintendo eta Sonyren klasiko batzuk ere bai; eta League of Legends bideojokoari eskainitako gune bat, azken belaunaldiko ekipamenduarekin eta mugarik gabeko 4G konexioarekin, eta 20 mahai-jokotik gorako ludoteka bat.
Eskaintza osatzeko tailerrak ere izango dira: papercraft, pixel art, hanakanzashi... eta gastronomiari buruzkoak ere bai, eta magic eta yugioh karta-txapelketak, tokusatsu proiekzio-eremu bat eta Japoniako Yamaguchi hiria turismoari begira sustatzen duten kartelen erakusketa, cosplay-ena, manga estiloan kustomizatuta dauden skate-oholena, tokusatsu bildumagintzako irudi eta bestelako artikulu batzuena. Hori guztia 2.000 metroko erakusketa azaleran eta 26 erakusketarik parte hartzen dutela.
Datu praktikoak:
Ordutegiak:
Larunbatean, apirilaren 11n:10:00etatik 21:00etara | Igandean, apirilaren 12an:10:00etatik 20:00etara
Prezioak:
Egun 1erako sarrera: 5€ | 2 egunetarako abonamendua:8€ (4€/egunean)
* 2 egunetan leihatila 09:00etatik aurrera egongo da zabalik.
Informazio gehiago:
www.expotaku.com
https://www.facebook.com/expotaku.irun
https://twitter.com/_ExpOtaku
Prentsa:
Akreditazioak eskatzeko:expotaku@gmail.com
Komunikaziorako kontaktua:692586585
|
