Ficobak aurrera jarraitzen du kontzertuak egiteko gune aproposa gisa kokatzeko duen estrategian. Uztailaren 19an iragarri den Pitbull-en kontzertuari gehitzen zaio orain Irun Rock Jaialdiaren V. Edizioa. Momentuz, irailaren 27an, Ficoban egingo den ekimen hori antolatu dutenek We are standar, Cápsula eta Zea Mays taldeen emanaldia iragarri dute; dena den, kartela beste talde batzuekin osatuko da eta guztiaren berri emango da datozen asteetan. Lehenengo bostehun sarrera salgai jarriko dira apirilaren 15ean, 15 euroko prezioan epe jakin batean.

Ficoba, barruti segurua eta erabilera anitzekoa, baita kontzertuak eskaintzeko ere

Kontzertu antolatzaileek bereziki hiru ezaugarri baloratzen dituzte: segurtasuna –ezinbestekoa da ekintza mota horietan-, instalazioen polibalentzia –kontzertu formatu asko ahalbidetzen duena- eta daukan irisgarritasun egokia; gainera orain bultzatzen da aparkalekua doan delako eta Topoaren ondoan dagoelako.

Ficobak inbertsio garrantzitsuak egin ditu segurtasunaren eremuan, adibidez, 3. pabiloia husteko ahalmena areagotu egin du eta formatu handiko kontzertuak egin ahal dira bertan -5.000 pertsona zutik-, edo sarbide berriak sortu dira 3. Pabiloiaren eta barruko erakusketa gunearen artean; horrela, 6.500 metro koadro dituen toki horretako bisitarien fluxua hobetu ahal da.