| |
Bi konpainia horiek Bodegas Bagordi eta Shou and Sauca enpresak ordeztuko dituzte, horiek Bioterra bultzatzeko 5 eta 4 urteko lana egin ondoren lekukoa utzi baitute, erakusketari gisa parte hartzen jarraituko duten arren.
Aldaketa horien ondoren, honako hauek dira Bioterrako Batzorde Antolatzailea osatzen dutenak: Ekonekazaritza (Euskal Herriko Nekazari Ekologikoen Federazioa), Bio d’Aquitaine (Akitania-Frantziako Nekazari Ekologikoen Federazioa), Blé (Frantziako Euskal Herriko Nekazari Ekologikoen Federazioa), Gea (Azterketa Geobiologikoen Elkartea), Probico (Arkitektura Bioklimatikoa eta Iraunkorra), eta aipatutako Fontanería Janeiro eta Maitaimaitie. Azken batean, egun sektore ekologikoko gero eta eskaintza handiagoa osatzen duten sektore ugariko ordezkariak.
Batzorde Antolatzailearen zeregin nagusia da Bioterra azoka erabat ekologikoa den aldea zaintzea; alegia, parte-hartzaile guztiek beren produktu eta zerbitzuei dagokien egiaztagiri ekologikoa aurkeztu beharra daukate. Sektore jakin batek egiaztagiri hori ez badauka edo izaera ekologiko zalantzazkoa duten produktuen eskaerak jasotzen badira, Batzorde Antolatzaileak hartzen du azken erabakia.
Bioterraren bederatzigarren edizioa
Aurten, Bioterra ekainaren 1etik 3ra izango da Ficoban, eta aurrekoetan bezala, gaikako hiru eremu handi proposatzen dizkie erakusketariei eta bisitariei. Bat, produktu eta ekimen ekologikoei eskainia; bertan, nekazaritza ekologikoko elikagai ziurtagiridunak, nekazaritza ekologikorako produktuak eta osagarriak, kosmetika, ehungintza eta kudeaketa ekologikoaren ekimenak erakutsiko dira. Naturall esparruak, bestalde, osasunarekin eta ongizatearekin zerikusia duten sektore guztiak biltzen ditu, ikuspegi arduratsu eta ingurunearekiko errespetuzko batetik. Bioterraren eskaintza Geobatekin osatzen da. Bioeraikuntzaren eta energia berriztagarrien gune horretan, irtenbide profesionalak aurkitu ahal izango dira, eta eraikuntza osasungarria eta ingurumena errespetatzen duena gauzatzeko kontsumoa murrizten duten eta energia naturalak aprobetxatzen dituzten energi instalazioak ere bai, eta, baita Ekonomia Berdearen sektorean lan egiten duten profesionalak eta enpresak ere.
http://bioterra.ficoba.org
|
