| |
Bestalde, Mendiexpok bere ohiko eskaintzari -mendia, eskia, abentura eta bidaiak- ur-kirolak gehituko dizkio.
Bere bosgarren urtemugan, Mendiexpok bere nortasun-ezaugarriak mantentzen ditu aurreko edizioetan erakusketarien aldetik zein publikoaren aldetik hain emaitza egokiak eman dituen bokazio mendizalearekin eta eskiatzailearekin lotuta, zeinek Mendiexpo bere sektoreko erreferentziazko azoka bilakatu baitute penintsularen iparraldean.
Kontua da aurreko lau edizioetan, Mendiexpok 34.000 bisitarien eta 210 erakusketarien interesa sortu zuela. Datu horiei 8.000 pertsona baino gehiago bildu duen Mendiexpoko dibulgaziozko proposamenari, alegia hitzaldiei, proiekzioei eta jarduera paraleloei urtez urteko bultzada erantsi behar zaie.
Daukan posizioa finkatzen jarraitzeko eta kirola praktikatzen duen publikoaren gero eta anitzagoak diren gustuei erantzun bat emateko, Mendiexporekin batera Urexpo erakusketa antolatuko da paraleloki; espazio osagarri horretan uretako jarduera guztiak izango dira protagonista: urpekaritza, piraguismoa, bela, eta beste batzuk ere bai.
Hasita dago Mendiexporako merkaturatzeko kanpaina, aurten prezio bereziak eskainiko dira azokaren bosgarren urtemuga dela eta, eta bestalde, azokarekin batera antolatzen diren jarduera paraleloen programa zehazten hasi da. Oraingoz, bi mendizale gailenen presentzia baieztatu ahal izan da, alegia Alberto Iñurrategi eta Juanito Oiarzabalen presentzia.
Informazio gehiago: mendiexpo@ficoba.org
http://mendiexpo.ficoba.org
|
