|
Abenduak 6 eta 8 bitartean 16.172 lagun pasa dira Euskal Kostaldeko Gabonetako azokatik, gehienak astearte eta ostegun jaiegunetan.
“Astearte eta ostegunean bisitari ugari hurbildu dira azokara, esan du Monica Aldayk azokaren zuzendariak, eta hori dela eta ahalbideratu dugu asteazkena lan egun izan zela konpentsatsea. Jai egunetan oso giro ona izan da pabilioietan eta beste edizioen pareko emaitzak izan ditugu”.
140 erakusmahai inguruko eskaintza izan dute eskura bisitariek, Euskadi, Iparralde eta beste hainbat Autonomi Erkidegotik etorriak.Jendeak eskaintzaren kopurua eta kalitatea hobetzeko egiten ari den lanabalioetsi egin du, baita aktibitate paraleloen eskaintza ere. Jende ororentzako eskaintza, baina bereziki txikienek gozatu dezaten pentsatua, helduek bisita egin eta azokan erosten duten bitartean.
Zalantzarik gabe, antolatu diren zozketa eta opari ugariak izan dira erakargarritasunetako bat.Produktu sortak, Eguberrietako saskiak, 125 euroko txartelak eta sari handia, astelehenean abenduaren 12an, 13:00etan, notarioaren aurrean zozketatuko den bi lagunentzako kruzeroa.Guztira, 30 bisitarik jaso dituzte opariak.
Aurten zozketak erakusketarien artean ere egin dira eta haietako batek bere standa doan izan du.
Eguberrietako Haur Parkea, Ficoban izango den hurrengo hitzordua
Eguberrietako PIN, PAN, PUN Ficobako Haur-parkearen edizio berria abenduaren 26an zabalduko ditu ateak. 3 eta 13 urte bitarteko umeentzat pentsatutako ekitaldia da. Urtarrilaren 4ra arte disfrutatu ahalko dute une atsegin bat pasatzeko proposamenez eta arrazoiz josita egongo diren hiru pabiloietan.Eta guztia, ilararik eta pilaketarik gabe, sar daitekeen jende kopurua mugatua baita, lasai-lasai ibili ahal izateko.
Informazio gehiago: http://expo.ficoba.org
|
