Ingurumenarekiko sentiberatasuna

Ficobaren jarduera-ildo estrategikoetako bat da garapen iraunkorra eta ingurumena errespetatzen duena bultzatzea. Eta konpromiso hori, esaterako, Bioterra bezalako azoka bultzatuz gauzatu da. Bioterra estatuko garrantzitsuenetako bat da, eta produktu ekologikoak, energia berriztagarriak eta bioeraikuntza ditu ardatzak.

Gainera, hainbat ekimen abian jarri ditu Ficobak ildo beretik. Besteak beste, 2007an Ekopass Elkartera atxikitzeko hitzarmena sinatu izana nabarmentzen da. Euskadiko ekimen bat da, Estatuan aitzindari dena, eta berotegi-efektuko gasen isurketa berdintzeko aukera eskaintzen die instituzio, enpresa eta partikularrei, hain zuzen energia berriztagarriak, energia aurreztea eta karbono-zuloak sortzea sustatzeko proiektu berritzaileei babesa emanez. Ficobako azoka bakoitzean, Ekopasseko profesionalek azterlan bat egiten dute, azoka-jarduerak zenbat CO2 isuriko duen kalkulatzeko. Isurketa horien bolumena zifra ekonomiko bihurtzen da, eta kopuru hori haziz doan berotegi-efektuko gas-produkzioari aurre egiteko proiektuetan erabiltzen da, atmosferara isuritako CO2 kopuru-zati bat berriz xurgatuz.

Bestalde, 2008tik, eguzki-energia sortzeko instalazio fotovoltaiko bat jarria dago azoka-barrutiaren estalkian. 1.100 m2-ko azalera dauka, eta 95,2 Kwko energi jarioa sortzeko gaitasuna du; eta horrek horrelako ezaugarriak dituen Gipuzkoako instalaziorik garrantzitsuena bihurtzen du, eta Estatuko handienetako bat. Urtean 97.104 Kwh-ko potentzia ekoizteko gaitasuna dauka instalazioak; horrek esan nahi du urtean 45 tona CO2 gutxiago isuriko direla atmosferara.