|
Datuak aztertuta, emaitza onak eman ditu estrategiak; izan ere bisitarien kopurua %30ean gehitu da 2014koaren aldean, 13.289ko kopurura helduz.
Publiko orokorrarengana iristeko bokazioa Bioterrak sektoreko profesionalak erakartzeko lanaren osagarria da. Proposamen interesgarriak aurkitzeko aukerak izan dira 2015eko Bioterran parte hartu duten 167 erakusketarien artean.
Azokak iraun duen hiru egunetan oso giro animatua izan da pabiloietan. Ohi den bezala, jende gehien etorri zen eguna igandea izan zen, guztira 5.946 bisitari etorri baitziren. Bioterrak 10.000 bisitari baino gehiago izan duen hirugarren edizioa izan da aurtengoa. Azterketa historiko bat eginez ikusten da egungo edizioak hirukoiztu egin dituela 2004ko ekainean egin zen lehen edizioan lortutako emaitzak. Goranzko joera honek erantzuten dio azken urte hauetan sektore ekologikoak berak izandako gehikuntzari.
Publikoaren intereseko eremuei buruz, ikusten da gero eta interes handiago dagoela Geobat pabiloiko proposamenei buruz. Pabiloi horren gaiak geobiologia, bioeraikuntza, energia berriztagarriak eta gestio ekologikoa dira.
Mónica Alday Bioterrako zuzendariaren hitzetan: “azokaren balantzea oso positiboa da. Erakusketarien eta bisitarien kopuruari buruz genituen helburuak lortu ditugu. Erakusketariak publiko berrietara eta publiko profesionaletara iristeko aukera izan dute. Eta bisitariak erakusketa eskaintza zabal batez disfrutatzeko aukera izan dute, baita antolatu ditugun hedapenezko, aisialdiko jarduerez eta jarduera praktikoez ere”.
http://bioterra.ficoba.org
|
