|
Ia ehun komertzio establezimenduk gunea kontratatu dute Irun Stock Market azokan parte hartzeko. Urriaren 11, 12 eta 13an egingo da, Ficoban Euskal Herriko Nazioarteko Erakustazokan. Topaketa aukera handi bat izango da komertzio txikientzat eta ertainentzat; horrela, denboraldiko stockak kentzeko aukera izango dute eta publikoak kalitatezko produktuen eskaintza zabal bat erosi ahalko du deskontu handiekin. Azokan parte hartzeko inskripzio-epea irekita egongo da irailaren erdialdera arte.
Stockaren azoka arrakasta handiz egin den ekimen bat da 2002. urtetik; beste hiri batzuetan egin da; hala nola, Zaragozan, Bilbon eta Logroñon eta FF Global Events enpresak antolatzen du. Esperientzia horren bermearekin, txikikazko komertzioko sektore irundarrarentzako aldiroko hitzordu bilakatzeko bokazioarekin sortu da Irun Stock Market. Merkatarien eta bezeroen arteko harremana errazten du eta establezimendu txikiaren eta ertainaren abantailak agerian uzten ditu beste merkataritza aukera batzuen aurrean. Txikikazko merkatariak publikoaren aurrean bere burua ezagutzera emateko aukera du bere arma onenekin: produktuen kalitatearekin eta kontsumitzaileei ematen dien arreta pertsonalizatuarekin.
Merkataritza eta salmentak
Garrantzi handiko gertaera da azoka gauzatzen den eremurako, hain zuzen ere egun batzuetan hainbat sektoretako hamarnaka establezimendu kontzentratzen dituelako, milaka pertsonak bisitatzen dutelako eta salmenta bolumen handia eragiten duelako. Bereziki egokia da krisi garaian eta, gainera, epe luzeko negozioentzat onuragarria da; izan ere, sustapen bikain bat eragiten du eta horrek urtean zehar establezimendu horretan erostera bultzatzen du.
Irun Stock Market azoka Ficoban antolatuko da eta antolatzaileek 20.000 pertsonak bisitatzea espero dute.
Komertzioek soil-soilik salduko dituzte stock-produktuak eta salgai-hondarrak. Produktu horien jatorriari, kalitateari, egoerari eta berme baldintzei buruzko informazioa eskainiko da merkataritzaren eta etiketatzearen gainean indarrean dagoen araudiaren arabera. Modaren, edertasunaren, osasunaren elikaduraren, teknologiaren, elektronikaren, etxearen, etxeko horniduraren, kirolaren eta osagarrien sektoreentzat irekita egongo da.
Irun Stock Market azokak kalitate baldintza mantentzen dituzten baina prezio egokietan aurkezten diren produktuak zuzenean lortzeko aukera emango dio kontsumitzaileari krisi garaian. Deskontuak hasierako zenbatekoaren ehuneko 80 artekoa izan daiteke.
|
