|
Bioterraren hamargarren edizioak balantze bikainarekin itxi ditu ateak. Guztira, 15.502 lagun etorri dira asteburu honetan Ficobara, azokaren eskaintza gozatzera. Kopuru hori %55 gehiago da iazko bisitari-kopuruarekin alderatuta. Igandean izan zen jende gehien, 7.399 bisitari; larunbatean, berriz, 6.399, eta ostiralean, 1.704.
Bisitarien datuen amaierako azterketa egin gabe dago, baina lehenengo begirada batek baieztatzen du jatorri askotatik etorri dela jendea eta Bioterrak gaitasuna duela Euskadi osotik eta ondoko beste lurralde batzuetatik ere bisitariak erakartzeko; esaterako, Nafarroatik edo Errioxatik; zalantzarik gabe, bisitari gipuzkoarrak jarraitzen du azokako protagonista izaten.
Jende asko etorri izana, jakina, oso ondo baloratu dute erakusketariek, eta baita egindako salmentak ere, sektore ekologikoa “sasoian dagoela” erakutsi baitute. Erakusketariek, era berean, balioan jarri nahi izan dute bisitari-perfil berri bat erakartzeko Bioterrak egin duen ahalegina ere. Sarrera doan izateak ahalbidetu egin du Bioterrareko ohizko bisitariez gainera bisitari berriak ere etortzea. Hurrengo edizioetarako helburua da Bioterrara lehen aldiz etorri den jende horren multzo bat behintzat leial bihurtzea.
Azokako jarduera paraleloetara ere heldu da jendetzaren arrakasta; bereziki pabiloietan bertan egin direnetara.
Aurrekoa eta ongorengoa markatzen duen edizioa
Bioterra 2013 ia erabat bete da bai erkusketari-kopuraren aldetik (141) bai bisitari-kopuruaren aldetik (15.502). Nahiz eta oraindik ere hazteko tarterik badagoen, azokak, dagoeneko, apustua egin du beste proposamen batzuetatik bereiziko duten helburu kualitatiboen alde, betiere erakusketarientzat eta bisitarientzat kalitate plusa eskainiz; horiek Bioterraren hurrengo edizioa hurbildu ahal zehaztuko dira.
Bestalde, Bioterra 2013k lortutako emaitza onek Ficobak osotasunean daraman ibilbide positiboa berresten dute, eta baita aurtengo ekitaldirako aukera onak ere, eta Euskadiko jende askoko azoketan Ficoba erreferentzi gisa finkatu dela ere bai.
Informazio gehiago: http://bioterra.ficoba.org
|
