|
Jarduera biziko asteburu baten ostean, Mendiexpo eta Sportjam azokek ateak itxi dituzte Ficoban. Bi egun hauetan 7.000 pertsona hurbildu dira Ficobaraino bi azoketako erakusketa-, hedapen- eta jolas-proposamenetan parte hartzeko.
Oraingo honetan Mendiexpo eta Sportjam batera egin dira lehen aldiz. Esperientzia hau oso ongi baloratua izan da arduradunen aldetik, haien ustez lortu nahi ziren helburuak lortu direlako. Egia esan, aire zabaleko kiroletako eta hiriko kiroletako zaleen arteko bizikidetza oso modu errazean egin da eta bitxia izan da Ficoban ikustea mendizaleak skaterren biraketak egiten behartzea eta skaterrak errapel zaleen bilakaerak ikustea, adibide bat jartzeko.
Aipamen berezia egin behar da publikoak azokako jardueretan izandako parte-hartze maila handiaz. Banff-eko Mendiko Zinemaldia izan da bisitariek gehien jarraitu duten ekintzetako da. Zeuden plaza guztiak bete dira goizeko zein arratsaldeko saioetan.
Bestalde, mendiART Mendiko Herrietako Kulturen jaialdiaren lehen edizioa izan da aurtengoa, eta publikoaren babesa ere izan du, eta, bereziki, Olga y los Ministriles folk taldearen kontzertuan.
Publikoak aurki beteko ditu berriro Ficobako instalazioak, dagoneko prestatzen ari baita eguberrietako ekintza ugariak eskaini ahal izateko. Lehenengo hitzordua abenduaren 6tik 9ra izango da, Eguberrietako Azokarekin eta eguberrietako erosketak familian egiteko proposamenarekin. Abenduaren 22tik, Eguberrietako haur Parkeak hartuko du erreleboa. Ekimen hori berritzen da txikienentzako proposamen teknologikoekin.
|
