|
Euskal Kostaldeko Eguberrietako Azokak izena eta irudia aldatu, eta Expomarket bilakatu da. Arrazoien artean, ekitaldi horren jitea izenak era egokiagoan islatzeko borondatea: sektore anitzeko azoka bat, zeinean espezialitate askotariko erakusketariak biltzen diren. Gainera, Expomarket terminoak ez du itzulpenik behar, eta erabilgarria da Ficobak bere ekitaldien berri emateko erabiltzen dituen hiru hizkuntzetan (euskara, gaztelania, frantsesa).
Expomarketedizio honek 65 bat erakusketari bildu ditu (behin behineko zifra da, komertzializazioa ia ekitaldiaren bezpera arte irekita egongo baita). Azokak izandako bost edizioetan erregistratu diren bisitarien eta salmenten emaitza onek erakarri dituzte erakusketariak. Iaz ia 21.000 bisitari izan ziren azokan, eta era horretan jende gehiago bisitatzen duen Gipuzkoako azoka gisa finkatu da.
Bisitariak Expomarketen eskaintza zabalak eta anitzak interesatuta etortzen dira. Eskaintzan moda, kosmetika, etxebizitza eta dekorazioa, gastronomia eta zerbitzuak sartzen dira. Aurtengo berritasunen artean igerilekuen eskaintza da aipatzekoa.
Beste datu interesgarri bat: Expomarketek duen gaitasuna Gipuzkoatik kanpoko erakusketariak erakartzeko. Aurten ere baieztatzen da joera hau. Erakusketarien %70 inguru beste lurraldeetatik datoz eta %15 inguru frantziarrak dira.
Aurreko edizioetan bezala, txikienak eta gurasoen erosotasuna gogoan edukita, puzgarriak instalatuko dira azokak iraungo duen lau egun horietan eta hainbat erakusketarik joko batzuetan parte hartzeko aukera emango dute beren standetan.
Bestalde, guztien poltsikoan pentsatuz, sarreraren prezioa mantentzea erabaki da. Aurten ere 2 eurokoa izango da, eta astelehenean, abenduaren 5ean, sarrera doan izango da. Hamabi urtetik beherako umeek ez dute sarrera ordainduko. Gainera, egunero 150 euroko txartela bat zozketatuko da Azokan bertan gastatzeko.
Inaugurazioa
Expomarketek abenduaren 3an, 11:00etan irekiko ditu ateak publikoarentzat. Ordubete geroago, 12:0etan, inaugurazio ofiziala izango da, Pedro Esnaola Gipuzkoako Merkatal Ganbararen presidentearen eskutik.
Irungo Artisautzaren II. Erakustokia
Ficobara hurbiltzeko beste pizgarri bat Irungo Artisautzaren II. Erakustokia izango da. Ekimen hori Gabiltza Elkarteak bultzatu du (Gipuzkoako Artisauen Elkartea). Ficobako 1 pabiloian Gipuzkoa osoko 26 artisau bilduko dira. Horiek ere askotariko eskaintza ekarriko dute, ia lanbide guztiak egongo dira ordezkatuta. Adibide gisa eta besteak beste, hauek ikusi ahalko dira: egurra zizelkatzea, egurrezko jostailuak, koadernatzea...
Artisauen eskaintza zabala erosi ahal izango da eta horrez gain, egunero, 12:00etatik 13:·0era eta 17:30etik 19:00etara egingo diren lanbideei buruzko erakusketa-tailerrez disfrutatu ahalko du publikoak. Hilaren 3a artilearen eguna izango da, hilaren 4 soplete beiraren eguna, hilaren 5 birziklatzearen eguna, eta hilaren 6a edertzapenaren eta kaligrafiaren eguna.
Artisautza Erakusketaren irekiera ordutegia Expomarketek duen berbera izango da, 11:00etatik 20:00etara jarraian.
Informazio gehiago: http://expo.ficoba.org
|
