Iñigo Lavadok Gipuzkoako beste sei sukaldari ospetsuekin batera (Andoni Luis Aduriz, Roberto Ruiz, Rubén Trincado, Mikel Santamaría, Ixak Salaberria y Josean Eizmendi) ukitu gastronomikoa emango dio Donostiako Zinemaldiaren 59. edizioari.Guztiek menu berezi bat landuko dute, Culinary Zinema (Zine Gastronomikoa) izeneko atalean proiektatzen diren filmetako batekin lotuta.  

Iñigo Lavadok Ficoban duen jatetxean irailaren 21ean, asteazkenarekin emango duen afaria Jean Pierre Améris zuzendariaren Les émotifs anonymes filmaren omenez izango da. Filma ikusi nahi duten guztientzat, 18:45ean proiektatuko da Donostiako Principe zineetako 3. aretoan. Filmaren bertsio gastronomikoa 20:30etik aurrera izango da Iñigo Lavadoren jatetxean. Ekimen horretarako menuak osagai hauek izango ditu: abakando eta bieira, mihi-arraina, txerrikumea eta txokolatea. Eta kontuan hartu behar da txokolatea dela, neurri batean,  Les émotifs anonymes filmaren protagonista, eta horregatik, garrantzi berezia izango du afarian, Koldo Salinas maisu txokolategilearen eta Sole Aguirre bere emaztearen lankidetzagatik, zeinek txokolatez egindako hainbat sorkuntza-lanak eskainiko baitituzte.