Berritzailea, irudikorra kalifikatiboak erabiltzen dituzte hainbat adituk, Mark Earls aipatzen dutenean. Marketineko estrategia gisa, Earlsek proposatzen du bezeroen eta bere inguruaren argazki panoramikoa egin behar dela mikroskopioz begiratu ordez; hots, antropologoentzat, ekonomilarientzat eta zientzialari konduktualentzat hain ageriko denari balioa ematea, alegia, gizakia gainerakoek egiten dutena kopiatzen duen giza-animalia bat delakoa balioan jartzea. Azken batean, Earlsek uste irmoa dauka kontsumitzailearen jokabidean eragin handiagoa daukala inguruan duen jendearen portaerak marketinak eta markek baino.

Earlsek marketinaren munduan arrakasta izan nahi duenari animoak ematen dizkio orain arte pil-pilean egon diren estrategia anglosajoiak alde batera utzi eta Asiako, eta baita Afrikako ere, herrialde gainerakorretatik datozenak bereganatzera, kultura horiek “gure”tik gehiago baitute “ni”tik baino. Egia esan, Earlsek aukeratu du kontsumitzaileak norbanako bakarrak bezala tratatzeari utzi eta berriz ere talde bateko partaide bezala tratatzea. Mezua hainbeste ez lantzeko apustua egiten du, eta horren ordez, bi galdera egiten ditu: Zergatik ari zara xahutzen nire jokabidean oso gutxi eragingo duen mezu bat bidaltzen, familiakoei eta lagunei produktuaz hitz egitera bultzatuko nindukeen hain produktu interesgarri bat egiten xahutu zenezakeenean? edo Zergatik arduratzen zara niri mezuak bidaltzeaz, garrantzitsuena nire eta ni bezalakoak direnen artean gertatzen bada? Alegia, kontsumitzaileak nahi duenari arreta eman, saltze hutsean pentsatu ordez.

“El rebaño: cómo cambiar nuestro comportamiento potenciando nuestra verdadera naturaleza” liburuaren egilea da Mark Earls, eta St-Luke’s, BMP edo Ogilvy bezalako agentzietarako eta Unilever, IBM, Ford Motor bezalako enpresetarako eta Gobernu Britainiarrarentzako lan egin du.

Marketineko estrategia berriez gainera, Ablaren datorren edizioan, komunikazioaren sektorerako gaurkotasuna duten gaiak jorratuko dira; hala nola, “Komunikabideen oraina eta geroa” hitzaldia, Zentihmediako Eduardo Madinaveitiaren eskutik; “Krisi garaian komunikatzen segitzearen garrantzia", Bizkaiko Publizitate Agentzien Elkartearen eskutik; "Publizitate-agentzia zati-zati egiten", Rowan-en oinordekoen eskutik; “Markak sortzeko eta kudeatzeko giltzarriak eta erronkak”, Summa agentziako Conrad Llorens-en eskutik; “Marketin-plan baten garrantzia: benetako enpresa batean aplikatzearen adibidea”, Gipuzkoako Marketin Klubeko Francisco Bernaberen eskutik; edo “ Sektore grafikoko fluxu digitalaren barruan argazkigintza integratzea", besteak beste.


Informazio gehiago: http://abla.ficoba.org