Emakume polifazetikoa da Vandana Shiva. Himalaiaren magalean kokatua dagoen Dehra Dun hirikoa da. Doktorea da zientzia fisikoetan (1978); nazioarteko mailan, oso prestigio handiko ekologista, feminista eta filosofoa da. Globalizazioaren eredu neoliberalaren aurka eta herrien eskubideen alde aktiboki lan egiten du. Research Foundation for Science fundazioko zuzendaria da, Technology and Natural Resource Policy-ko partaidea eta The Ecologist aldizkariko editore elkartua izateaz gain, Indian National Environmental Councileko partaidea ere bada. Gainera, entsegu asko egin ditu Vandana Shivak; bere obren artean hauek nabarmentzen dira: Monocultures of the Mind (1993) Abrazar la vida: mujer, ecología y desarrollo (1995); Ecofeminismo: teoría, crítica y perspectivas (1997); La praxis del ecofeminismo: biotecnología, consumo, reproducción (1998); Biopiratería: el saqueo de la naturaleza y del conocimiento (1999); ¿Proteger o expoliar?: los derechos de propiedad intelectual (2003).
Gandhiren indarkeria ezaren oinarrien jarraitzaile tinkoa den Vandana Shiva Navdayaren fundatzailea da. Navdaya bizitzeko behar diren bitartekoen dibertsitatea eta integritatea babesteko gizarte mugimendua da, haziei garrantzi berezia emanez, eta Indian 5 milioi nekazari mobilizatzeko gai izan zen GAT Merkataritza Tarifen Batasun Orokorraren aurka.
Bioterrak kultura ingurumenaren alde hedatzeko duen bokazioan kokatzen da Vandana Shivaren presentzia. Helburu hori hainbat ekimenen bidez gauzatzen du Bioterrak; ekimen horien artean, jarduera paraleloez osatutako programaren prestaketa aipatu ahal da. Modu horretan, erantzuna eman nahi zaio gero eta handiagoa den kontsumitzaile sektore bati, zeina garapen iraunkorrari buruz interesatuta egoteaz gain, askotan horren alde egiten baitu.
Vandana Shivak Bioterran emango duen hitzaldia Ficobako Auditorioan izango da ekainaren 6an, larunbatean, 17.30etan.
Bioterra 2009 Produktu Ekologikoen, Bioeraikuntzaren, Energia Berriztagarrien eta Kontsumo Arduratsuaren Azokarekin batera eta paraleloki, Naturall Osasun eta Ongizate Espazioa irekiko da ekainaren 5etik 7ra (ostiraletik igandera), etenik egin gabe, 10:00etatik 20.00etara. Bigarren honetan hainbat sektore osagarri ordezkatuko dira eta interesgarriak irudituko zaizkie Bioterrako bisitariei. Profesionalek doan sartu ahalko dira.


http://bioterra.ficoba.org