| |
Daukan historia laburrean, Estatu osoan hitzordu ezagun eta aitortu gisa sendotu da Abla. Egia horren erakusgarri da Abla 2008n geografiako hainbat eta hainbat lekutako bisitariak etorri izana. Ficoban egiten diren azoka profesional guztiek bezala, Ablak biurteko izaera izango du hemendik aurrera, eta, beraz, hurrengo edizioa 2010ean egingo da.
Bigarren urtez jarraian, Ablako hitzaldi eta jardunaldi programak arrakasta handia izan du, eta ekitaldiko erakargarritasun nagusia bihurtu da bisitariak antzematerakoan. Proposamen guztiek, bai teknikoenek bai sormenarekin eta teknologia berriekin zerikusia dutenek, emaitza apartak eta balorazio altua izan dituzte bisitarien aldetik. Hala ere, nabarmendu beharra dago beteta zioen kartela jarri behar izan zutela hitzaldietako bitan, hain zuzen ere, “Libro de Bob”en egile César Garcíak eta Dimension agentziako presidente eta Sormeneko zuzedari Guillermo Viglionek eman zituztenekoetan.
Erakusketaren atalari dagokionez, bisitari-ratio ona lortu du Ablak (1.500), erakusketari bakoitzeko (25). Hala ere, Iñigo Market Ficobako gerenteak adierazi bezala, “hurrengo edizioetarako daukagun helburua da erakusketari-kopurua handitzeko aukera emango diguten formatuak bilatzea. Komunikazioaren, marketinaren eta diseinuaren sektoreko profesionalak erakartzea lortu du Ablak, baina ahalegin handia egiten jarraitu behar dugu enpresa txikietako eta ertainetako bisitariak antzematen, haiek balizko oso merkatu zabala eta interesgarria osatzen baitute horrelako produktu eta zerbitzuetarako”.
Ablaren lehenengo bi edizioak urtean behin egin dira, jardunaldi-azoka hauen marka sendotzeko asmoz. Eta emaitzak ikusita, lortu dugu helburu hori. Iñigo Marketen hitzetan, “Abla gertakari ezaguna eta aitortua da, eta ez gure inguru hurbilean soilik, Estatu osoan ere dagoeneko lortua baitu aitortza hori. Hala ere, ezin gara geratu geure pozean, eta hainbat erronkari aurre egin behar diogu. Esaten nuenez, gai izan behar dugu beste kontsumitzaile batzuk eta erakusketari gehiago ere erakartzeko, horietako askok oraindik errezeloak baitituzte, ziurrenik sektorean erakusketa-kulturarik ez dagoelako”.
Ficobak bultzatzen dituen azoka profesional guztiek bezala, Ablak ere biurteko izaera izango du hemendik aurrera, eta hurrengo edizioa 2010ean egingo da.
Gehiago jakiteko: http://abla.ficoba.org
|
